Jastar janary Ұлттық, қоғамдық-мәдени ақпараттық порталы
Бүгін әлеуметтік желіде асқан қатыгездікпен өлтірілген Салтанат Нүкенованың туыстары халыққа үндеу жолдады. 
Фото: smi24.kz
Үндеуде марқұмның туыстары қылмыстық істі жеке бақылауына алған Мемлекет басшысына және қайғыларына ортақтасып жатқан Қазақстан халқына алғыстарын жеткізген.
«Қадірлі достар, қымбатты қазақстандықтар.
Қызымыз Салтанаттың айуандықпен өлтірілуіне байланысты көңіл білдіргендеріңізге шын жүректен алғысымызды айтамыз. Сіздердің жазған қолдау пікірлеріңізді, шалған қоңырауларыңызды, хабарламаларыңызды, білдірген көңілдеріңізді көріп отырмыз.
Біз зорлық-зомбылық пен адам өліміне төзбейтін қоғамда өмір сүріп жатырмыз. Сондықтан осы оқиға республика тұрғандарын дүр сілкіндірді. Салтанаттың қазасы әлсіз адамдарға жасалатын әлімжеттікке қарсы күрестің символына айналды.
Марқұм қызымыздың топырағы суымай жатып, әлеуметтік желілерде әртүрлі алып қашпа әңгімелер мен өсектер тарай бастағаны жанымызға қатты батты. Кейбір журналистер мен блогерлер осы оқиғадан өздеріне арзан абырой мен жалған атақ жинауға көшіпті. Осыған байланысты біздің әулетті қандықол қылмыскердің туыстарымен ымыраға келіпті деген қанқу сөздерде пайда болыпты. Бірақ бұл шыңдыққа сәйкес келмейді. Біз ешкімді кешірген жоқпыз.
Мыңдаған адам қайғымызға ортақтасып, шын көңілдерін білдіріп, бізді жұбатып жатыр.
Аса қатігездікпен жасалған бұл қылмыстық істі жеке бақылауына алған ел Президентіне ерекше алғысымызды білдіреміз.
Бүгінгі күні тергеу органдары тарапынан қылмысты ашу бойынша кешенді шаралар жүргізілуде. Президенттің пәрменімен бұл оқиға ерекше тергелетін іс болып тіркелді. Қазіргі уақытта сол түнгі қылмыстың қалай өрбігені бүге-шігесіне дейін нақтылануда. Біз осы қылмыстың куәгерлері бар және олар қылмысты ашуға көмектеседі деп сенеміз. Егер қандай да бір осы қылмыс туралы ақпараттар мен айғақтарды білсеңіз полицияға немесе біздің қорғаушыларымыз: И.О.Вранчев және Ж.М.Оразбақоваға хабарласуыңызды сұраймыз.
Егер сіздің қылмыстық іске қатысты маңызды ақпаратыңыз болса, бірақ жеке басыңыздың қауіпсіздігі үшін секеміңіз болса, сізге заң жүзінде мемлекет тарапынан қорғау кепілдігі болады.
Елімізде осындай жан түршігерлік қылмыстарға төзбеу қағидасын ұстанып, біздің әулеттің қайғысына ортақтасып, жаны күйген жұртшылыққа, күйзелген көпшілікке ризашылығымызды білдіреміз. Нүкеновтер әулеті» – деп жазылған үндеуде.
****
Осы іске қатысты тағы бір ақпарат шықты. «Гастро-орталық» Салтанат Нүкенова өлтірілген BAU мейрамханасының маңдайшасын бөлшектеп жатқан кадрларды көрсетті, деп хабарлады Ulysmedia.kz ақпараттық порталы.
«Гастро-орталықтың басшылығы мен қызметкерлері тергеу іс-шараларына көмектесу үшін бар мүмкіндігін көрсетіп жатыр. Біз қоғамның ренішін бірге бөлісеміз-зорлық-зомбылықты ақтауға болмайды», — делінген хабарламада.
«Гастро-орталықта» қабылданған шаралар
Хабарламаға сәйкес, «аталмыш жағдайға байланысты «Гастро-орталықта» орындалуы белгілі бір заң тұрғысынан келісімдерді талап ететін бірқатар шешімдер қабылданды».
- құрылтайшылардың бірауыздан қабылдаған шешімімен BAU мейрамханасының иелерімен жалдау шарты бұзылды;
- «Гастро-орталықтың» жаңа директоры тағайындалды;
- «Гастро-орталықты» күзету жөніндегі қауіпсіздік шаралары күшейтілетін болды. Күзет қызметтерін көрсететін ұйымдармен келіссөздер жүргізіліп жатыр.
BAU мейрамханасы «Гастро-орталықта» кеңселерді жалға алатын 30 мекеменің бірі болғаны атап өтілді.
