Анаға хат

Арман 13 жасар бүлдіршін. Анасының берген кейбір үй жұмыстарын орындағысы келмей назданады. Бір күні анасы әдеттегідей үй жұмыстарын орындауды тапсырады. Көп ұзамай Арман анасына мынадай хат жазады:

«Ана, маған үй жұмыстарын істеткізгеніңіз үшін төмендегідей қарызыңыз бар:

• нанға бардым – 100 теңге;
• бөлмемді жинадым – 50 теңге;
• «5» алдым – 50 теңге;
• қоқыс төктім – 100 теңге;
• компьютер ойнамадым – 50 теңге;
• құлайын деп тұрған ыдысты ұстап қалдым – 50 теңге;
• киімдерімді реттедім – 100 теңге;
• кір киімдерімді кіржуғыш машинаға салып қойдым – 50 теңге.

Барлығы: 550 теңге қарызыңыз бар! Уақытысында төлемесеңіз, үстеме қосатыным айтып қояйын!»

Анасы Арманға мынадай жауап жазды:

«– саған ана сүтін бердім – 0 теңге;

• түнде қорқып оянғаныңда қасыңда болдым – 0 теңге;
• тамақ пісірдім – 0 теңге;
• науқастанғаныңда қасыңнан кетепдім – 0 теңге;
• түсінбеген сабағыңды түсіндірдім – 0 теңге;
• көңілсіз болғаныңда, қолдаушың болдым – 0 теңге;
• көңілді болғаныңда, бірге қуандым – 0 теңге;
• сені қандай да болсын жамандықтан қорғауға тырыстым – 0 теңге;
• сені еркелеттім – 0 теңге;
• ұнататын заттарыңды сатып алдым – 0 теңге»

Арман жазған хатынан ұялып қалады да, бұдан былай анасын ренжітпеуге, айтқанын орындауға бар күшін салады.

«Ақыл қалта» кітабынан