Нұр-Сұлтанда бірыңғай мектеп формасы енгізіледі

Сурет: Оқу-ағарту министрлігі сайтынан алынды

Нұр-Сұлтан қаласы білім басқармасының хабарлауынша, биыл елорда мектептерінің  оқушылары үшін бірыңғай қара-көк түсті форма енгізіледі.

«Білім беру саласындағы мемлекеттік саясат қағидаттарын сақтау мақсатында Нұр-Сұлтан қаласының барлық білім беру ұйымында оқушылар бірыңғай қара-көк түсті мектеп формасына көшірілді. Бірыңғай мектеп формасы бекітілгеннен кейін қала мектептерінің басшылары жалпы мектептік ата-аналар жиналыстарында ата-аналарды мектеп формасын сақтау талаптарымен таныстырады», — делінген басқарманың сайтында.

Ата-аналар мектеп формасын өз қалауы бойынша таңдайды. Ең бастысы, сатып алынған форма төменде жазылған талаптарға сәйкес келуі керек:

— мектеп формасының түсі – қою көк;
— мектеп формасы классикалық стильде жасалған;
— ұлдарға арналған мектеп формасы: пиджак, жилет, шалбар, ақ салтанатты жейде, күнделікті ақ жейде, (суық мезгілде: трикотаж жилет, ақ водолазка). Ұлдарға арналған шалбар еркін кесілген және ұзындығы бойынша аяқтың білектерін жабады. Ұсынылған минимум: көйлек, көкірекше және шалбар;
— қыздарға арналған мектеп формасы: пиджак, көкірекше, юбка, шалбар, классикалық ақ блузка, сарафан (суық мезгілде: тоқылған көкірекше, ақ водолазка). Қыздарға арналған шалбарлар еркін пішіліп, аяқтарының тобықтарын ұзындығы бойынша жабады, кеңселік белдемшенің ұзындығы тізеден 5 см-ден аспайды;
— мектеп формасына түрлі конфессиялардың діни киім элементтерін енгізуге жол берілмейді;
— мектеп формасына орта білім беру ұйымдарының айырым белгілері (эмблема, жапсырма және т.б.) орналастырылады. Олар киімнің немесе аксессуардың (пиджак, жилет) сыртқы бөлігіне орналастырылады. Эмблема эскизін мектептен немесе мектеп сайтынан жүктеп алуға болады;
— жарақаттайтын фурнитурасы бар киім мен аксессуарларды киюге болмайды;
— мектеп формасына жартылай жүн және мақта мата пайдаланылады, олардың тозуға төзімділігі жоғары, бактерияға, микробқа қарсы және антистатикалық қасиеттері бар, қатты мыжылып қалмау үшін 75-85% табиғи мата (мақта, жүн, т.б.) және 15-25% синтетикалық қоспа ұсынылады.