Бас қаланың қазақшасы ақсап тұр

Әлі күнге мемлекеттік тілде дұрыс жазып, мазмұнды аударма жасай алмай келуіміздің себебі не? Өйткені Елордамыздың көшелерінде қазақ тіліндегі жарымжан жарнамалар мен маңдайшалар менмұндалап самсап тұр.

Еліміздегі «Тіл туралы» Заңды аяқасты етіп отырған кімдер дейтін болсақ, олар негізінен қоғамдық орындар, яғни дүкен, сән салондары тағы да басқа жеке кәсіпкерлік нысандары. Олар өз жарнамаларын орыс тілінде жазып, кейін сөзбе-сөз қазақ тіліне аудара салады. Дұрыс па, қате ме оған ешкім бас ауыртып жатырған жоқ. Мәселен, қала көшелеріндегі мына жарнамалар мен тақтайшаларға назар салып көрейік.