Jastar janary Ұлттық, қоғамдық-мәдени ақпараттық порталы
«Қазақстан халқына» қоғамдық қорының Басқарма төрағасы Болат Жәмішев қызметінен кетті. Қоғамдық қордың басшысы лауазымына Ләззат Шыңғысбаева келді. Ол 2025 жылдың 1 ақпанынан бастап қызметіне кіріседі.
Ол бұған дейін «Қазақстан халқына» қоры Басқарма төрағасының орынбасары қызметін атқарып, мемлекеттік награда – «Ерен еңбегі үшін» медалімен, «Атамекен» ҰКП құрметті қызметкері» медалімен марапатталған.
Сондай-ақ, Қамқоршылық кеңес қор қызметкерлері София Айсағалиеваны Басқарма төрағасының орынбасары, Серікбек Елшібековті «Қазақстан халқына» ҚҚ Басқарма мүшесі етіп сайлады.
Басшылықтың ауысқанына қарамастан, Қор жұмысын қалыпты тәртіпте жалғастырады. Қордың Қамқоршылық кеңесінің пікірінше, басшылықтың ауысуы – бұл жаңа тарау, ол қайырымдылық қызметті дамыту үшін қосымша мүмкіндіктерді ашады.
