Jastar janary Ұлттық, қоғамдық-мәдени ақпараттық порталы
Жақында Сербия елінде «Ағайынды Карич қоры» сыйлығын иеленген Қазақстанның Халық әртісі Димаш Құдайберген аталған марапатқа қатысты жазба қалдырып, жанкүйер тыңдармандарына алғысын жеткізді.
Аталған қор сыйлығы әлемге әйгілі ғылым, журналистика, экономика, мәдениет және қоғам қайраткерлеріне табысталып келеді.
«Құрметті достар! Бүгін Сербияның Белград қаласында «Karić brothers award» сыйлығына ие болдым. Мені әрдайым қолдап жүрген барша тыңдарман қауымға шын жүректен алғыс. Ағайынды Карич сыйлығы әлемге әйгілі ғылым, журналистика, экономика, мәдениет және қоғам қайраткерлеріне табысталады. 1979 жылдан бері Карич қорының сыйлығы бұған дейін Нобель сыйлығының лауреаттары Ж.Альферов, П.Хандке ,Қазақстанның тұңғыш Президенті Н.Назарбаев, кинорежиссер Е.Кустурица, қоғам қайраткері М.Мазари, теннисші Новак Джокович, актер Стивен Сигал – барлығы 150-ден астам дарынды адамдарға табысталған болатын», – дейді Димаш Құдайберген.
