ENU түлегі студенттерге атаулы гранттар табыс етті

Кезекті оқу гранттарын университет студенттеріне ENU түлегі Ержан Тастамбеков табыс етті. Ол – Zebra Coffee кофеханалар желісінің негізін қалаушы және иесі.

Әлеуметтік қолдауды қажет ететін бес талантты бірінші және екінші курс студенттеріне бір жылдық тегін оқу сертификаттары берілді. Айта кетейік, өткен жылы меценат ЖОО білім алушыларына 6 атаулы грант тағайындады.
ENU стратегиялық даму жөніндегі проректоры Думан Айтмағамбетов кәсіпкерге басшылық пен түлектер атынан университеттің дамуына қосқан үлесі үшін алғыс білдірді.
Ержан Тастамбековтың есімі Даңқ ағашында ENU көрнекті түлектерінің есімдерімен жазылды.

Еуразия ұлттық университетінің баспасөз қызметі