Jastar janary Ұлттық, қоғамдық-мәдени ақпараттық порталы
«Әділет» партиясының «Жастар Рухы» жастар қанаты еліміздің 17 облысы мен республикалық маңызы бар үш қаласында жастар арасында кітап оқу мәдениетін дамытуға бағытталған «Оқырман ұрпақ» жобасын жүзеге асыруда.
Жоба аясында «Бір ай – бір кітап – бір кездесу» қағидаты бойынша еркін форматтағы кітап клубтары ұйымдастырылып, жастардың кітап оқуға деген қызығушылығын арттыруға бағытталған танымдық кездесулер мен іс-шаралар өткізілуде.
Бұл кездесулер жастардың зияткерлік әлеуетін арттырып, сыни ойлау қабілетін дамытуға, білімге құштар әрі жасампаз ұрпақ қалыптастыруға бағытталған.
Іс-шаралар аясында ақын-жазушылар мен әдебиеттанушылар жастармен кездесіп, жаңа кітаптар мен шығармаларды таныстырып, туындыларды талқылауда. Сонымен қатар кітап оқу клубтары аясында әбеди кештер, кітап алмасу және өзге де іс-шаралар өткізілуде.
Бүгінде жобаға 1 500-ден астам жас қатысып, кітап оқу арқылы білімдерін толықтырып, ой-өрістерін кеңейтуде.
