Jastar janary Ұлттық, қоғамдық-мәдени ақпараттық порталы
Қыркүйек айында Қазақстанда Димаш Құдайберген атқарушы продюсер қызметін атқаратын қытай-қазақстандық жаңа бірлескен халықаралық музыкалық жобаның түсірілімі басталады, деп жазды Jastar janary dimashnews.com сайтына сілтеме жасап.
Шоуға қатысу үшін Димаштың отанына әр елдің вокалистері келіп, еліміздің ең көрікті аймақтарын аралайды.
Түсірілім 8-29 қыркүйек аралығында Түркістан, Алматы, Ақтау және Астана қалаларында өтеді.
Жоба бүкіл әлемге таралып, миллиондаған көрермендерді Қазақстанның сұлулығымен және әртүрлі елдердің жаңа дауыстарымен таныстырады.
«Он жылдай бұрын менің Hunan TV-ге жолым «Singer» шоуынан басталды. Бүгін мен халықаралық шоудың авторы ретінде жаңа рөлде оралып жатырмын. Бұл дүниежүзіндегі адамдарды біріктіретін мәдени ынтымақтастық пен музыка тарихында жаңа тарауды ашады», – деп бөлісті Димаш.
