Jastar janary Ұлттық, қоғамдық-мәдени ақпараттық порталы
Мемлекет басшысы «Түркістан қаласының ерекше мәртебесі туралы» Заңға қол қойды.
Заңда еліміздің рухани, тарихи-мәдени, туристік орталығы және сәулет мұрасы ретіндегі Түркістан қаласының ерекше мәртебесі бекітілген.
Заң аясында:
• Тарихи-мәдени мұраны қорғау: Қожа Ахмет Ясауи кесенесі мен басқа да тарихи ескерткіштерді сақтау шаралары күшейтіледі.
• Археологиялық және реставрациялық жұмыстарды реттеу: Ғылыми зерттеулер мен қалпына келтіру жұмыстарын жүйелеу қарастырылған.
• Ұлттық қолөнерді дәріптеу: Тарихи-мәдени мұраны қайта жаңғыртуға және қолөнершілерді қолдауға басымдық беріледі.
• Сәулеттік үйлесімділік: Қорғау аймағында биіктігі мен дизайны сәйкес келмейтін ғимараттар салуға тыйым салынады.
• Археологиялық резерват құру: Қала аумағында тарихи ескерткіштерді сақтау мақсатында арнайы аймақтар ұйымдастырылады.
• Инклюзивті орта қалыптастыру: Мүмкіндігі шектеулі жандарға қолжетімді инфрақұрылым мен инклюзивті туризмді дамыту жоспарланған.
• Дизайн код енгізу: Қаланың бірыңғай сәулеттік келбетін сақтау үшін арнайы дизайн стандарттары бекітіледі.
• Жергілікті билік өкілеттігін кеңейту: Әкімдік пен мәслихаттың қала басқару және бақылау мүмкіндіктері артады.
• Мемлекеттік қолдау: Қолөнер шеберлеріне жәрдем көрсетіліп, көлік транзиті реттеледі.
Бұл шаралар Түркістанды туризмнің тартымды орталығына айналдырумен қатар, оның тарихи ерекшелігін сақтау мен қала тұрғындарының өмір сапасын арттыруға бағытталған.
