Jastar janary Ұлттық, қоғамдық-мәдени ақпараттық порталы
Жақында «QAZAQSTAN» ұлттық телеарнасында өткен «Жедел желі» хабарына Қазақстан Республикасының цифрлық даму, инновациялар және аэроғарыш өнеркәсібі министрі Бағдат Мусин келді. Эфир кезінде әлеуметтік желілер арқылы 1000-нан аса сұрақ жолданса, 71 қоңырау келіп түскен. Көрермен қоған сұрақтың басым бөлігі – интернеттің нашарлығына қатысты болды.
Бұл туралы әлеуметтік желіде «Жедел желі» жүргізушісі, журналист Армангүл Тоқтамұрат жазды.
Министрдің эфирде айтқан мәлімдемелері:
— Жыл сайын 1000 ауылда интернет сапасы жақсарады. Ол үшін Жол картасы қабылданды.
Қаладағы кейбір ықшамаудандарда интернет сапасының нашарлығы- тұрғындардың базалық станцияларды орнатуға қарсылығынан. Себеп – радиофобия.
— Алдағы уақытта қолжетімді интернеттің KPI 100 мегабит секундына болады. Жұмыс басталды.
— 5G-жылдамдықтың жаңа деңгейі. Биыл Астана, Алматы, Шымкент және кейбір облыс орталықтарында 5G интернет желісі орнатылады. Ал бағасы кішкене өсуі мүмкін.
— Бағаның өсуі бәсекелестік ортаға байланысты. Қазақстан интернет бағасының төмендігі бойынша 194 елдің ішінде алғашқы ондыққа кіреді
— 5G-ға біздің телефондарымыз сай ма? Қазақстанға жылына 3 млн жаңа құрылғы келіп жатыр. Абоненттердің 20-30%-ы жыл сайын телефондарын жаңартады. 2027 жылға дейін 100% елде жаңа құрылғы болады.
— Электрондық цифрлық қолтаңба тек, бір жыл мерзімге ғана берілуінің басты себебі – қауіпсіздік. Биометриямен кіруді қолға алып жатырмыз.
— Цифрлық құжатты пайдалану әлемде тек, 10 мемлекетте бар. Қазақстан соның ішінде. Цифрлық құжат түп нұсқа құжатпен тепе-тең жүреді. Барлық жерде электронды құжатты қабылдауды талап ете аласыз!
— Дербес деректеріміз мемлекет тарапынан қорғалған. Алайда қауіптің 80%-ы адами фактордан төнеді. Ақпарады көшіріп алу, алмасу, сату. Әлжелілердің көбі шеттікі. Тик-ток Қытай, ФБ АҚШ-та. Олар барлығын тіркейді. Не істеп жүрсіз, қайда жүрсіз, ескеріңіз.
— Маңғыстау облысында IT хаб ашылады. Ақтауда шағын IT мектептер ашылып жатыр. Онда оқу үшін ваучер(грант 600 мың тг көлемінде) таратып жатырмыз. Мұнай да таусылуы мүмкін. Жастарды IT саласында еңбек етіп, ел экономикасына үлес қосқаны жөн.
— Шетелде Google сияқты технологиялық алып компанияларды жұмыс істеп жүрген жастардың әлеуетін пайдаланып жатырмыз. Ертең олар сол жерде топ позицияға барса, Қазақстанға көбірек пайда әкеледі.
— Қазақстан цифрлы мемлекет.
