Басты бет » Жаңалықтар » WorldSkills Almaty-2025 чемпионатына 200-ден астам студент қатысып жатыр

WorldSkills Almaty-2025 чемпионатына 200-ден астам студент қатысып жатыр

Алматыда Жұмысшы мамандықтары жылына орайластырылған WorldSkills Almaty-2025 кәсіби шеберлік бойынша X өңірлік чемпионаты өтіп жатыр, деп хабарлайды Jastar janary Алматы әкімдігінің ресми арнасы.

Чемпионатта колледж студенттері инженерлік мамандықтар, IT, дизайн және аспаздық өнер сияқты түрлі бағыттар бойынша дағдысын көрсетуде.

Чемпионат жеңімпаздары Алматы атынан Астанада өтетін WorldSkills Kazakhstan-2025 республикалық чемпионатына қатысу мүмкіндігіне ие болады. Ал үздіктер 2026 жылы Шанхайда халықаралық деңгейде Қазақстанның намысын қорғайды.

Алматы әкімі Ерболат Досаев чемпионат қатысушыларымен кездесіп, жұмысшы мамандықтарды қолдаудың маңыздылығын атап өтті. Бүгінде чемпионатты 15 мыңнан астам мектеп оқушысы көріп, жұмысшы мамандықтары бойынша оқуға өтініш берген.

 

Чемпионаттың жүлде қоры шамамен 10 миллион теңге. I, II және III орын иегерлері 150 000, 100 000 және 50 000 теңге көлемінде ақшалай сыйақы алады. Марапаттау рәсімі бүгін Оқушылар сарайында өтеді.