Jastar janary Ұлттық, қоғамдық-мәдени ақпараттық порталы
«Дипломмен ауылға» бағдарламасы ауылдық аймақтарды білікті кадрлармен қамтамасыз етуге үлкен үлес қосып келеді. 2025-2027 жылдары да аталған бағдарлама белсенді жалғасатын болады.
Ауылдық жерге жіберілетін мамандарға бюджеттік кредит беруге 2025 жылы 25 млрд теңге қарастырылған. Бұл шамамен 2,8 мың маманды тұрғын үймен қамтамасыз етуге мүмкіндік береді.
«Дипломмен ауылға» мемлекеттік жобасы 2009 жылдан бері іске асырылуда. Ол ауылдағы кадр тапшылығы проблемасын шешуге арналған. Негізгі мақсат – денсаулық сақтау, білім беру, әлеуметтік қорғау, мәдениет, спорт, агроөнеркәсіптік кешен саласына, сондай-ақ жергілікті жерлердегі мемлекеттік басқару органдарына дипломды мамандарды тарту.
Жоба аясында 2009-2024 жылдар аралығында 114 мыңнан астам маман 23,6 млрд теңгеге көтерме жәрдемақы алды. Ал 52 мыңнан астам маман 189,5 млрд теңге сомасына бюджеттік кредитті пайдаланды.
