Jastar janary Ұлттық, қоғамдық-мәдени ақпараттық порталы
Белгілі кәсіпкер Айдын Рахымбаев биыл қыркүйекте жаңа білім ордасы ашылатынын хабарлады, деп жазды Jastar janary.
Ұлттық құндылықтарға негізделген тәрбиеге басымдық беруді көздеген мектептер алдымен Атырау және Шымкент қалаларында ашылмақ.
«Біз әрбір облыс орталығында жаңа FARABI қазақ-ағылшын мектептерінің желісін ашу туралы хабарлаймыз. Мұнда ұлттық құндылықтарға негізделген тәрбиеге басымдық беріледі. Біздің мектептерге түрлі елден тәжірибе алмасуға келген мұғалімдер «балалар қандай тәрбиелі, үлкендерді құрмет тұтады» деп таң қалатын. Біз бұл дәстүрді дамыту керек деп есептейміз! Сондықтан FARABI мектептерінің негізі – жан-жақты тәрбие мен мәдениет болады. Оның жарқын мысалы – ҚТЛ түлектері болса, біз оның өзімізге тән қазақстандық үлгісін жасаймыз», – дейді Айдын Рахымбаев.
Математиканы оқытудың сингапурлық үлгісі, ІТ мен жасанды интеллектке басымдық беретін бағдарлама да мектептердің басты бағыты болмақ. Мектептерде грант жүйесін енгіліп, жүздеген бала FARABI-де тегін оқитын болады.
Атырау мен Шымкенттегі алғашқы екі мектеп өз есігін қыркүйекте ашады.
Farabi Education академиялық директоры Самал Ахметова:
– Біз мектептеріміздің оқу бағдарламасының басты аспектілерін бөлісуге қуаныштымыз, бұл бағдарлама BI Education үздік тәжірибелеріне және әлемдік білім беру көшбасшыларының озық тәжірибелеріне негізделе отырып мұқият әзірленген.
Farabi International School — ұлттық мәдени мұраларды ғаламдық стандарттармен үйлесімді ұштастыра отырып, балалардың жан-жақты дамуын қамтамасыз ететін мектеп, – дейді.
– Біз мектептеріміздің оқу бағдарламасының басты аспектілерін бөлісуге қуаныштымыз, бұл бағдарлама BI Education үздік тәжірибелеріне және әлемдік білім беру көшбасшыларының озық тәжірибелеріне негізделе отырып мұқият әзірленген.
Farabi International School — ұлттық мәдени мұраларды ғаламдық стандарттармен үйлесімді ұштастыра отырып, балалардың жан-жақты дамуын қамтамасыз ететін мектеп, – дейді.
