Jastar janary Ұлттық, қоғамдық-мәдени ақпараттық порталы
Қаржылық мониторинг агенттігі Перизат Қайратқа қатысты қылмыстық істің тергеуі аяқталғанын хабарлады. Ведомство төрағасының орынбасары Жеңіс Елемесовтің айтуынша, келтірілген залал көлемі 3,5 млрд теңгені құрайды. Бұл туралы qazaqstantv жазды.
Сонымен қатар Перизат Қайраттың анасы да «Алаяқтық» және «Қылмыстық жолмен алынған ақшаны жылыстату» баптары бойынша айыпталуда. Тергеу мәліметтеріне сәйкес, ол қызына көмектескен.
Еске сала кетейік, Перизат Қайрат су тасқынынан зардап шеккендерге арналған 1,5 млрд теңгені жымқырды деген күдікке ілінген болатын. Қазіргі таңда тараптар іс материалдарымен танысып жатыр.
