«Тұрмыс құрғасын боксты қоямын» – Назым Қызайбай

Танымал боксшы Назым Қызайбай «күйеуге шыққан соң боксты қою керек» деген пікір білдірді, деп жазды Jastar janary. 

Фото: Жеке парақшадан алынды

Бокс шебері «Хабар» арнасындағы «Қызық Times» бағдарламасына келіп, қызықты сұхбат берді. Әңгімелесу барысында Назым өзінің тұрмыс құрған соң бокспен қош айтысатынын жеткізді.

«Жақында Әйгерім Сәттібаева Азия чемпионатының қола жүлдегері атанды. Біле білсеңіздер, Әйгерім – бес баланың анасы. Алайда меніңше, күйеуге шыққан соң боксты қою керек. Себебі балаға тәрбие беретін ең бірінші адам – анасы. Егер спорттық мансабыңды жалғастырып, жарыстарға барып, жаттығуларға уақыт бөлсең, балаңның өскенін, қалыптасуын толыққанды көре алмайсың», – деді спортшы.

Еске салайық, осыдан біраз уақыт бұрын Cербия елінде әйелдер арасында бокстан өткен әлем чемпионатында Назым Қызайбай жеңіс тұғырынан көрінген болатын.

Президент Қасым-Жомарт Тоқаев Назым Қызайбайды тарихи жеңісімен құттықтады.