Басты бет » Жаңалықтар » TikTok #Наурыз2025 онлайн-фестивалін іске қосады

TikTok #Наурыз2025 онлайн-фестивалін іске қосады

Наурыз мейрамына орай TikTok осымен үшінші жыл қатарынан қазақстандықтар үшін ауқымды онлайн-фестиваль ұйымдастырады. #Наурыз2025 арнайы хэштегі арқылы кез келген адам бастамаға қосылып, мерекелік сәттерімен бөлісе алады.


Ғылым және жоғары білім министрлігінің хабарлауынша, Қазақстанның жоғары оқу орындары да бұл фестивальға белсенді қатысуда. Әл-Фараби атындағы ҚазҰУ, Satbayev University Наурызды ерекше қарсы алуға дайын, Бөкетов атындағы Қарағанды университетінде домбыра шертіліп, Yessenov University-де ұлттық спорт түрлерінен сайыстар өтуде.

TikTok алғаш рет еліміздің ірі қалаларында – Астана, Алматы және Шымкенттегі алаңдарда арнайы интерактивті аймақтар орнатады. Қала тұрғындары осы арнайы безендірілген алаңдарда видеоролик түсіріп, оны 20 наурыз бен 2 сәуір аралығында жобаның #Наурыз2025 хэштегі арқылы ұлттық тағамдар мен дәстүрлер, музыка, би, қала және ауылдардағы мерекелік шаралар тақырыптарында контент жариялап, байқауға қатыса алады.