Jastar janary Ұлттық, қоғамдық-мәдени ақпараттық порталы
Биылдан бастап Disney және Pixar студиялары үлкен экранға шығатын негізгі фильмдерін қазақ тілінде ұсынады.
Аталған студиялардың «Ойжұмбақ 2» анимациялық фильмі, «Моана 2» шытырман оқиғасы мен «Муфаса: Арыстан патша» көркем фильмдерін осы маусымнан қазақ тілінде тамашалаймыз.
Disney жыл сайын әр фильмнің түрлі тілдерге аударылған 30-ға жуық нұсқасын дайындайды. Солардың қатарында қазақ тілінің болуы – тіліміздің мәртебесін көтеріп, тартымдылығын арттырады.
– Танымал фильмдердегі сүйікті кейіпкерлердің қазақ тілінде сөйлеуі – біздің жас көрерменге үлкен олжа. Қазақ тілінде еркін сөйлейтіндер де, тілді енді үйреніп жүргендер де сапалы дубляждалған фильмдер арқылы тілге бойлай түсетіні анық, – деп жазды әлеуметтік желіде «Халықаралық «Қазақ тілі» қоғамы» қоғамдық бірлестігінің президенті Рауан Кенжеханұлы.
Бәріңізге белгілі, «Қазақ тілі» қоғамы мемлекеттік тілдегі контент қорын, оның ішінде, анимация бағытын қазақшалауға басымдық береді.
